ചേലക്കര
ഗ്രാമപഞ്ചായത്ത്

തൃശ്ശൂര്‍ ജില്ലയിലെ തലപ്പിള്ളി താലൂക്കില്‍ പഴയന്നൂര്‍ ബ്ലോക്കിലാണ് ചേലക്കര ഗ്രാമപഞ്ചായത്ത് സ്ഥിതി ചെയ്യുന്നത്. ചേലക്കര, വെങ്ങാനെല്ലൂര്‍, തോന്നൂര്‍ക്കര, കുറുമല, പുലാക്കോട് എന്നീ വില്ലേജുകളിലായി വ്യാപിച്ചുകിടക്കുന്ന സ്പെഷ്യല്‍ ഗ്രേഡ് പഞ്ചായത്തായ ചേലക്കര ഗ്രാമപഞ്ചായത്തിന് 59.83 ചതുരശ്രകിലോമീറ്റര്‍ വിസ്തീര്‍ണ്ണമുണ്ട്. ഈ പഞ്ചായത്തിന്റെ അതിരുകള്‍ തെക്കുഭാഗത്ത് പഴയന്നൂര്‍ പഞ്ചായത്തും കിഴക്കുഭാഗത്ത് പഴയന്നൂര്‍ കൊണ്ടാഴി പഞ്ചായത്തുകളും, വടക്കുഭാഗത്ത് പാഞ്ഞാള്‍ കൊണ്ടാഴി പഞ്ചായത്തുകളും, പടിഞ്ഞാറുഭാഗത്ത് മൂള്ളൂര്‍ക്കര, പാഞ്ഞാള്‍ പഞ്ചായത്തുകളുമാണ്. ചെറിയ ചെരിവ്, കുത്തനെ കയറ്റം, ചെരിവ്, ചെറിയ കയറ്റം, സമതലം, ഉയര്‍ന്ന ഭൂമി എന്നിങ്ങനെ ഈ പഞ്ചായത്തിലെ ഭൂപ്രകൃതിയെ ആറായി തരം തിരിക്കാം. ചരല്‍ കലര്‍ന്ന ചുവന്നമണ്ണ്, ഉരുളന്‍കല്ലു നിറഞ്ഞ ചുവന്നമണ്ണ്, ചെളികലര്‍ന്ന ചുവന്നമണ്ണ്, വെട്ടുകല്ല് കലര്‍ന്ന മണ്ണ് എന്നിങ്ങനെ വിവിധ മണ്‍തരങ്ങള്‍ കാണപ്പെടുന്നു. പഴയകാലത്ത് ചേലക്കരയിലെ റോഡുകള്‍ക്കിരുവശവും ആല്‍ തുടങ്ങിയ ധാരാളം ചേലവൃക്ഷങ്ങള്‍ തിങ്ങിവളര്‍ന്നിരുന്നുവത്രെ. ചേലമരങ്ങളുള്ള കര എന്ന പ്രയോഗത്തില്‍ നിന്നാണ് ചേലക്കര എന്ന...